حلوى بكريم شانتيي

حلوى بالكريم شانتيي

 

الجينواز:  

  5 بيضات

-نص زلافة سنيدة

-نص زلافة زيت

-3 كاس عنبة دقيق

-2 خمارات

3 معالق كبار بودرة الكاكاو

التزيين : 

    نصف لتر كريم شانتيي

-سكر الصقيل على حسب الذوق - شكلاط أسود

شكلاط شعرية - vermicelle

السيرو لسقي الحلوى

في زلافة كنطرب البيض مع السكر و الزيت. وكنزيد بودرة الكاكاو مع التطراب.

كنزيد الدقيق و الخميرة معلقة معلقة مع الخلط غير بمعلقة ديال الخشب من التحت للفوق حتى كنكمل الكمية اللي عندي وتجانس المقادير و نديروها في قالب الحلوى مدهون بالزبدة و مرشوش بالدقيق ثم ندخلوها لفران.

نطرب الشانتيي مع السكر الصقيل حتى تطلع( أنا هنا شريت الشانتيي سائلة كتباع عند اصحاب الجبن ) و نديروها في الثلاجة حتى تبرد.

نوجد السيرو باش نسقيو الحلوى: كاس و ربع الماء مع 3 معالق كبار سنيدة مع معلقة صغيرة نسكافيه.

ملي تطيب الحلوى نخليوها تبرد و نقطعوها على 3

نسقيوها بالسيرو وندهنها بالشانتيي و نديرو القطعة الثانية كدلك نسقيوها بالسيرو و تدهن بالشانتيي و ندير القطعة الثالثة ونغطيو الوجه و الجوانب بالكريم.

كناخد الشكلاط الأسود ندوبوه في حمام مريم و نكبوه فوق ورق سيلفيرزي أو الألمنيوم اللي دهنا بشوية الزيت بما أني درت الحلوى على شكل قلب فقطعت الشكلاط بمرشم القلب.

تم وضعت في جوانب الحلوى و دردرت عليها من الفوق شكلاط شعرية.