شوربة الخضر بالمحمصة
هاد الشوربة تنفع في ايام البرد و كيحماقو عليها و ليداتي و هي مغذية
بالنسبة للمقادير عينك ميزانك و على حسب الناس
بطاطا مقطعة مكعبات صغار
خيزو مقطع مكعبات صغار
القرعة الخضراء مقطعة مكعبات صغار
اللفت مقطع مكعبات صغار
مطيشة محكوكة
بصلة محكوكة
القزبور و المعدنوس مقطع
شوية الكرافس
شوية المحمصة
حك مطيشة صغير
ملح - ابزار - الخرقوم - قبصة الكامون ما تكتروش منو
ضامة البنة
2 معالق كبار الزيت الزيتون
كندير المقادير كلها في الكوكوت و نزيد لها القياس الماء و نسد عليها.
ملي تصفر , نخليها فوق العافية لمدة 15 دقيقة و نطفي عليها و ها هي واجدة