شباكية معمرة باللوز
500غ الدقيق
– بيضة
– ¼ كاس عصير الحامض
- ½ كاس الزبدة مدوبة
- ½ كاس ماء الزهر
– ½ كاس الزيت
– شوية حبة حلاوة و النافع
– ½ زلافة جلجلان مطحون
– ½ زلافة اللوز مطحون بقشوره.
الحشو: 500غ اللوز مسلوق و مطحون
- 125غ سكر كلاصي
- معلقة العسل
– معلقة القرفة
– قطرات من ماء الزهر.
عسل و جلجلان للتزيين.
نحضر الحشوة: نشد اللوز و نصلقوه و نفسخوه و نطحنوه تم نزيد عليه السكر كلاصي و القرفة و العسل و قطرات من ماء الزهرو نعجنوه مزيان
تم نعمل منه حرابل قد الأصبع و نخليوه جانبا
ناخد مقادير العجينة و نخلطوهم مزيان الا ماتجمعاتش نزيد شوية الماء و ندلكوها مزيان.
نعمل منها كويرات.
نطلق الكويرات بالدلاك و نقطع مربعات بالجرارة فيهم 4 سنتيمتر على 4 تم ندير اصبع الحشو في الوسط و نلوي و نضغط عليها شوية باش ما تخرج الحشوة اثناء القلي.
ملي نكمل نقليو الشباكية في الزيت و نطفيها في العسل
ملي تستقطر ندردر عليها الجلجلان
